ყოველ კვირას მაგნოლია ფილმ ლაბი ფოტოგრაფთა წრიდან, რომელიმე წევრს იწვევს, რათა ფოტოგრაფმა მიმოიხილოს თავისი საყვარელი ფირი. ამ კვირაში გიორგი გამგებელი გვიზიარებს შეხედულებებს Berlin Kino 400 film-ის შესახებ.
Lomography Berlin Kino 400 მიმოხილვა
„Berlin Kino საშუალებას აძლევს ფოტოგრაფებს გამოკვეთონ უმნიშვნელო დეტალებიც კი, რაც სხვა შემთხვევაში დაკარგული იქნებოდა და მოყვნენ ისტორიებს, რაც სხვა შემთხვევაში უთქმელი იქნებოდა „ – წერს Lomography. 2018 წლის შემოდგომაზე „ლომოგრაფიმ“ დაანონსა ახალი ფირის გამოშვება – Berlin Kino 400, რომელიც უფრო ექსპერიმენტულ ხასიათს ატარებს და ნაკლებადაა კონკურენტი კარგად ნაცნობი შავ-თეთრი ფირების. აღნიშნულ ფირს აქვს ექსპოზიციის ფართო განედი – შესაძლებელია მისი დაფუშვა ISO 3200-ზე, რაც ფილტრებთან და გამჟღავნების პროცესებთან ერთად იძლევა კრეატიულობის განუსაზღვრელ შესაძლებლობას.
ფირს აქვს არც თუ ისე მაღალი კონტრასტი და საკმაოდ დახვეწილი ხმაურის დონე. ფირი კარგად მუშაობს ბუნებრივი განათების დროს – აქვს კარგი დეტალიზაცია. ფირს ახასიათებს გამორჩეული, თვალშისაცემი ნაცრისფერი ტონები, რომელიც დაბალი კონტრასტის საშუალებით ძალიან ბუნებრივად და რბილად გადადის ერთმანეთში. ეს კი ფოტოზე ფერთა გამის უნიკალურ ერთიანობას ქმნის.
დაბალი განათების შემთხვევაში ფოტოებს აქვთ საშუალოზე მაღალი ხმაური და ცუდი დეტალიზაცია. ეს ვრცელდება ინტერიერში გადაღებულ ფოტოებზე და აგრეთვე ღია სივრცეში, მოღრუბლულ ამინდში გადაღებულ ფოტოებზე. მიუხედავად ამისა, ეს იძლევა სიძველის ელფერს. რა თქმა უნდა, ამაში გასაკვირი არაფერია, რადგან ფირი ინსპირირებულია 1960 – იანი გერმანული კინოთი.
ფოტოებს აქვთ ძველებური, ვინტაჟური იერი და ამით განსხვავდება დანარჩენი შავ-თეთრი ფირებისგან. თუკი თქვენ არ ეძებთ მაღალ კონტრასტულობასა და სიმკვეთრეს ფოტოებში, მაშინ ეს ფირი ცდად ღირს – ვფიქრობ, აღნიშნული ფირით არაჩვეულებრივად შეიძლება სიძველის ეფექტის მიღება და კარგად იმუშავებს ქუჩის ფოტოგრაფიის შემთხვევაშიც. ფირი გამოირჩევა არაპროგნოზირებადობით , ამიტომაც ღია იყავით ექსპერიმენტებისადმი.
მადლობა გიორგი გამგებელს, შესანიშნავი მიმოხილვისთვის, თუ გსურთ გაგვიზიაროთ ფირის მიმოხილვა, უბრალოდ მოგვწერეთ, ჩვენ კი სიამოვნებით გამოვაქვეყნებთ.
“Not all those who wander are lost.” J.R.R. Tolkien შენს შესახებ მოგვიყევი, როგორც ვიცი პროგრამისტი ხარ, შენი პროფესიის შესახებ რომ გვითხრა მე ვარ ირაკლი ჯანიაშვილი, 27 წლის. 9 წელია პროგრამისტი ვარ, ვაკეთებ ვებ და მობილური აპლიკაციების დეველოპმენტს. მიმუშავია სხვადასხვა ევროპულ და ამერიკულ სტარტაპებში. ახლა ვმუშაობ სან ფრანცისკოში არსებულ კომპანიაში პოზიციაზე – Senior Software Engineer. ასევე […]
ყოველ კვირას მაგნოლია ფილმ ლაბი ფოტოგრაფთა წრიდან, რომელიმე წევრს იწვევს, რათა ფოტოგრაფმა მიმოიხილოს თავისი საყვარელი ფირი. ამ კვირაში გიორგი გამგებელი გვიზიარებს შეხედულებებს Berlin Kino 400 film-ის შესახებ. Lomography Berlin Kino 400 მიმოხილვა „Berlin Kino საშუალებას აძლევს ფოტოგრაფებს გამოკვეთონ უმნიშვნელო დეტალებიც კი, რაც სხვა შემთხვევაში დაკარგული იქნებოდა და მოყვნენ ისტორიებს, რაც სხვა შემთხვევაში უთქმელი იქნებოდა „ […]
როდესაც ფოტოგრაფია და მაგნოლია ფირის ლაბი გავხსენით, ჩვენ ერთი მიზანი გვქონდა – მხარი დაგვეჭირა ფოტოგრაფთა თემისთვის საქართველოში. თქვენი გამოგზავნილი აპლიკაციები კიდევ ერთხელ გვარწმუნებს ჩვენს მისიაში. აქთუშეთიის დაფინანსების მოსაპოვებლად30-ზე მეტმა თქვენგანმა გამოგზავნა აპლიკაცია. შეგვიძლია ვთქვათ, რომ ამაზე მეტად აღფრთოვანებული, ძნელად თუ ვიქნებოდით. ქართველი ფოტოგრაფების ხარისხი/დონე კი გასაოცარია და მოტივაციას ყოველდღიურად გვიმაღლებს, რომ თქვენთვის ვიმუშაოთ. სამწუხაროდ, ამ […]
“To be honest, photography never makes me happy.” – Saba Gorgodze მის ფოტოებში ხშირად ზღვარი წაშლილია, ფოტოგრაფია მხატვრობას ჰგავს, ხანდახან სიზმრებს, დავიწყებულ მოგონებებს და ისეთ გამოცდილებას, რომელიც არასდროს გამოგვიცდია, მაგრამ გვახსოვს. საბას ფოტოებში ყოველთვის არის, რაღაც ნაცნობი სიურეალისტური, გასაგები განცდა, რომელიც თბილისში სეირნობისას წამიერად დაგვეუფლება, თუმცა ყოველთვის ვახერხებთ, ამ განცდისგან თავის დაღწევას. საბას ფოტოებში, კარგად […]
როცა საუბარი მიდის სამომხმარებლო კლასის ფირზე, არამგონია რომელიმე წარმოებელი იმაზე უფრო იაფი ფასის ფირს გვთავაზობდეს, როგორც ფუჯი თავისი Fujicolor C200. მიუხედავად ჩემთვის Fujicolor C200 ერთ-ერთი საყვარელი ფირია, რომელიც ფასთან შედარებით საოცრად მკვეთრი და ადვილად გამოსაყენებადია. დასახელება შუქმგრძნობელობა ხელმისაწვდომი ფორმატი კადრების რაოდენობა გამჟღავნება ხმაურის სიხშირე FUJI COLOR 200 200 35მმ 24/36 C41 საშუალოზე Fuji Color C200 […]
Lomography Berlin Kino 400 – გიორგი გამგებლის მიმოხილვა